| لـو تنصـفط لي جان بالرّوح بشريك | وعنـدي أنا يحرم على الغير سومك |
| يـا فرحـة المضيوم من هو يباهيك | معنـا وفي الدّنيا قليله إو قومك |
| إرفـق ولا تجسـي علـى مـن يلبّيـك | فــالعمر كلّـه واقـفٍ فـي لزومـك |
| بخصـتني وانتـه قبـل بـاخصٍ فيـك | ذاك الحـبيب اللّـي تنقّـل وثومـك |
| يا سلوتي لي في العمر هوب ناسيك | تعــال جاســمني عظــايم همومـك |
| بتحمّلـه واللّـي علـى النّوّ يعنيك | بــاتنقله عنّــي قوايــا عزومـك |
| قل لي عسى لي دوم حبل الرّجا فيك | إش اسـتفاد اللّـي بعـذله يلومك؟ |
| ليتـه علـى امّـابي ومابـك مخلّيك | لاســباب ماســاوت علـومه علومـك |
| حلّفتنـي وانـا يميـن الله أعطيك | مـا غيّـرت شـرعي هـوى عـن ولومك |
| أفـرح يلـي شفت الفرح في تباديك | ويطيـب نـوم العيـن لي طاب نومك |
| وانـا علـى ذري النّسـانيس بهديك | يـا مـن تجـدّذ فـي ضـميري رسومك |
| سـلام تحملـه الصـّبا يـوم بتجيـك | منّــي وتضـحك لـه زواهـر نجومـك |
