| مـن عاشـر الأيـام مـا نـال مطلوب | منهـا ولـو يملـك جميـع النواحي |
| البــد مــن دورات الايـام دالـوب | بالعســر مــرة ومـرة بالنجـاحي |
| باصـبر ولو انا بالصبر كنت مغلوب | لعــل صــبري يــوم احسـن فلاحـي |
| يـا ورق خلـي النـوح كله بالينوب | خلـي البكـى يا ورق لي والنياحي |
| تبكـي طـرب ولـى أنـا بكاي مكروب | مــن حالـة يـا ورق شـطت نيـاحي |
| يـا مـن لقلـب أصـبح اليوم مصيوب | يخفــق كمـا يخقـف رفيـف لجنـاح |
| قلـب بـراه الحـب وادعـاه مسـلوب | ليلـه نهـاره في العنا والتراحي |
| وقلـب غـدا مـا بيـن جاذب ومجذوب | ولا يســتعيش إلا بمــاي الجراحـي |
| بــه علـة مـا فـداها كـي وطبـوب | عليــك يـانور الـوطن والمراحـي |
| يـا مـن زهـا حسـنه بلا دل وذهـوب | زيــن السـجايا مولـع بـالمزاحي |
| نـابي الـروادف هاضم الكشح منهوب | كــالخيزرانه لــي تثنـى ومـاحي |
| ومعــزل لـه طـاوي الخصـر مسـلوب | وكشـحه هضـيم عنـده يول الوشاحي |
| وعيـن ابهـا كـم ذابت جسوم وقلوب | أصــدى وأرضـى وقعهـا مـن رمـاحي |
| يــا مــا حلا فــي مضـمره الثـوب | لـي مـن ضـرب ردنه هبوب الرياحي |
| طفــل علــى حيـاته العـز مكتـوب | لـي مـن تبـدى لـي رميـت السلاحي |
| والقلــب وان نـادوا ليٌلـى يلـوب | وان مـر ذكره في الملا قمت صياحي |
| مـا دام هوا عن ناضر العين محجوب | شخصـه قبـالي في السما والصباحي |
| لـك بالحشـا يـا زين وديان وشعوب | لـك بينهـن يـا زين مسرى ومراحي |
| أفـرح بوعودك والوعود ما قضى نوب | شــــراة لالٍ للورايــــد لاحـــي |
| يــاريف روحــي يابعـد كـل محبـوب | واللـه مـا اسـمع قـول اللـواحي |
| او لامنـي مـن لامنـي عنـك ما اتوب | ما اتوب انا يا سيد من جا وراحي |
| يعـل اللـوايت فـدوةٍ لـك ولا هـوب | جـافي وحقـي منـك ميـر السـماحي |
| ولاســنا عبـدٍ مـن العـالم مسـحوب | مـالي بنفـس الصـب كلمـة مزاحـي |
| يـاليت يسـعى بينٌـا اليـوم مندوب | مـاثوق مـا يـوم بالأسـرار بـاحي |
| حــتى أبيــن حـالتي لـه بمكتـوب | يشــرف عليهـا سـيد كـل الملاحـي |
| يـا زيـن ريـع لـي القلـب منهـوب | ووصـلك لمثلـي يـا عشـري مبـاحي |
| يـا عونة الله ذاب قلبي وانا لوب | مـا نلـت منه الا الشقا والتراحي |
| يـا مولـفٍ مـا بيـن يوسـف ويعقوب | مـن عقـب مـا هـو ميـت منه جاحي |
| اتلــم شــمل شـتت الـدهر بشـعوب | وتعيــد سـجات الطـرب وانشـراحي |
| منـي صـلاةً مـع سـلامي علـى الـدوب | علـى النـبي خيـر الهدى والصلاحي |
